Alex Eala, pakyas makalabang sa first round sa Guangzhou Open Singles; Pinay tennis ace, makigsangka sa Doubles karong adlawa

Sayong natapos ang kampanya ni Filipino tennis star Alex Eala sa Guangzhou Open tennis tournament sa China.

Kini human siya gipildi ni American Claire Liu sa set scores nga 6–2, 4–6, 4–6, sa unang hugna sa torneyo.

Ang world number 53 nga si Eala mikontrolar sa duwa sa sayo pa apan si Liu, ang ika-305 nga ranggo, miatake sa ikaduhang hugna.

Wala pasagdi ni Liu nga makarekober ang Pinay tennis star ug gitapos ang duwa sud sa duha ka oras ug 28 minutos.

Ang maong kapildihan maoy ikatulong first-round exit ni Eala sa lima ka torneyo.

Mobalik si Eala sa korte alang sa doubles karong Huwebes, Oktubre 23 uban ni Nadia Kichenok sa Ukraine.