Gianunsyo sa Philippine National Police (PNP) nga ang gitaktak nga mayor sa Bamban, Tarlac nga si Alice Guo giposasan ug magsul-ob og bulletproof vest karong adlawa sa iyang pagtambong sa Senado sa legislative investigation kalabot sa ilegal nga Philippine Offshore Gaming Operators (POGO).
Matod sa tigpamaba sa PNP nga si Police Colonel Jean Fajardo, ang coaster sa PNP nga sakay ni Guo mogawas sa krame camp sa Quezon City mga alas 8 sa buntag samtang ang senate hearing magsugod sa alas 10 ning buntag.
Una nang giaprobahan sa korte sa Tarlac ang hangyo sa Senado nga patambongon si Guo sa hearing diin ang Capas, Tarlac Region Trial Court niisyu og warrant of arrest kang Guo human kini gipasakaan sa Department of Interior and Local Government (DILG) og kasong kalapasan sa RA 3019 o ang Anti-Graft and Corrupt Practices Act, hinungdan nga gitanggong siya karon sa PNP custodial facility.
