Nipadayag ang Kapamilya actress-host nga si Anne Curtis og kabalaka sa social media kalabot sa sunod-sunod nga grabeng aksidente sa kadalanan nga nikalas og daghang kinabuhi, apil na ang mga bata.
Sa usa ka post sa Facebook kaniadtong Domingo sa gabii, Mayo 4, diiin siya namahayag nunot sa trahedya nga nahitabo sa Ninoy Aquino International Airport Terminal 1, diin namatay ang kwatro anyos nga bata ug 28 anyos nga lalaki human gidaro sa usa ka SUV ang entrada sa departure sa airport. Upat pa ang giingong naangol ug padayon pa nga nagpaalim sa tambalanan.
Bisan og wala pa matino ang insidente, nanghinaot si Anne nga magsilbing “wake-up call” kini sa Department of Transportation (DOTr) ug Land Transportation Office (LTO) aron maseguro ang higpit nga pagpatuman sa safety ug licensing standards sa mga drayber ug sakyanan.
Nagpadala usab siya sa iyang mga pahasubo sa mga hingtungdan sa mga nakalas nga kinabhi.
Daghan ang midayeg sa aktres tungod sa iyang plataporma sa pagsulti batok sa pagpabaya sa kadalanan, ug nakaani kini og dahan nga reaskyon ug shares.
Gawas sa NAIA incident, mahinumdoman nga lain na usab nga trahedya nga bangga ang nahitabo sa SCTEX, Tarlac City niadtong Mayo 1 diin 10 ka tawo, lakip ang upat ka menor de edad, ang namatay ug 30 ang naangol. (Bombo Irene Ardiente)
