Nakadisplay sa Sex Machines Museum sa Prague, Czechia ang usa ka “vanvera,” nga usa ka kahimanan kaniadtong panahon nga ginagamit isip punduhanan sa utot sulod sa gisul-ob engrandeng dresses sa mga kababaynhan aron dili mauwawan ilabi na kung nagtangbong og social event.
Ang kasaysayan sa maong ekipo kay niob pa sa misteryo diin gidebatehan kung sa karaang Ehipto ba kini naimbento o sa karaang Roma nga minugna sa leather isip punduhanan sa utot.
Ang vanvera kay sagad ginagamit sa Italya kaniadtong 17th century sa pipila ka mga nagkadaiyang hulagway ug variety niini nga nakatago sa mga skirt sa mga kababaynhan diin kung sa higayon puno na kini sa utot kay pwede kining ma-dispose sa gawas kung luwas na sa pagkauwaw.
Aron dili magbuot ang makalanag nga aso sa lobot, gipundohan pa og mga humot nga aromatic herbs ang vanvera sama sa lavender, rosemary, sage ug uban pa.
Ang vanvera usa lang sa daghang dili mailhan nga mga imbensyon nga nalimtan na sa kadaghanan, apan kana tinuod nga nagpakita sa pagkamamugnaon sa atong mga katiguwangan.
