Gihimakak ni Mandaue City Treasurer Atty Regal Oliva ang ambisyon niini nga mulansar sa umaabot 2025 midterm elections atol sa pagkatap niini sa mga tarpaulin nga adunay hulagway niya ug mga pamulong nga ala-plataporma kung mulansar.
Makita ang mga tarpaulin nga nagkatap sa mga dagkong kadalanan sa dakbayan nga matud pa sa post sa official social media account ni Oliva nga sa kasamtangang ipadayon sa niya ang legasiya sa iyang pamilya sa sector sa pinansyal diin iyang amahan ug igsoong babaye puros mga banker ug iyang inahan kay tang-an nga treasurer sa iyang panahon.
Apan mapasalamaton si Oliva sa mga supporters niya ng maoy nangunay sa inisyatiba sa pagbutang sa maong mga tarpaulin.
Dugang pa niya nga mupadayon ang iyang nasugdan nga kalihukan ug ipatigbabaw ang serbisyo sa kadaghanan.
Kahinumduman nga gisigon-sigon si Oliva sa paghulip niini sa posisyon isip City Tresurer sa dakbayan sa Mandaue sa mga nakalabay nga buwan nga matud niya “politically-motivated” sa mga kaatbang sa kasamtangang administrasyon sa nasuspensong mayor nga si Mayor Jonas Cortes.
