Dili na ipugos ni Atty. Harry Roque ang iyang kaugalingon nga mahimong kabahin sa legal team ni kanhi Presidente Rodrigo Duterte.
Matud ni kanhi presidential legal counsel nga kon dili ganahan si Bise Presidente Sara Duterte, mopili siya og lain nga morepresentar sa kanhi Presidente, nga giingong desisyon sa Bise Presidente.
Gitataw usab ni Roque nga dili siya mo-insister nga mahimong kabahin sa legal team sa kanhi Presidente, bisan pa og hangyoon kini sa maguwang nga si Duterte.
Ingon man nga importante nga si VP Sara mismo ang mo-endorso kaniya ug mohangyo nga tabangan siya.
Giinsister usab ni kanhi Duterte appointee nga dugay na siyang ‘follower’ ni VP Sara, ug mosunod siya, bisag unsa pay isulti sa Bise Presidente.
Una nang gibutyag ni VP Sara nga dili apil sa legal team si Atty. Roque, uban sa pagtukod og legal team nga modepensa sa iyang amahan.
Matod niya nga limitado lang ang slot sa mga abogado nga makatabang, ug gusto niya nga ang tanan nga miyembro sa legal team adunay kasinatian sa ICC.
Diin si Nicholas Kaufman ang unang gihinganlan isip lead defense counsel sa kanhi Presidente.
