Nagtanyag ang Australia sa Pilipinas og $3 milyon aron motabang sa mga paningkamot sa pagtabang sa mga komunidad nga naapektuhan sa bag-ohay nga mga bagyong Tino ug Uwan.
Matud sa kagamhanan sa Australia, nga ang ilang humanitarian aid makatabang sa paghatag og kapuy-an sa mga biktima sa bagyo.ug midugang nga makatabang usab sila sa sanitasyon sa tubig, kalimpyo, serbisyo sa panglawas, ug tabang sa pagkaon.
Dili moubos sa 140 ka mga Pilipino ang namatay ug 127 ang nawala human mikuso-kuso ang bagyong Tino og milubog sa tibuok sentral Visayas.
Samtang, ang ihap sa mga namatay sa bagyong Uwan misaka ngadto sa 27, ug kapin sa 4.4 milyon nga mga indibidwal o 1.2 milyon nga mga pamilya sa 16 ka mga rehiyon sa Pilipinas ang naapektuhan sa halapad nga pagbaha ug kadaot nga gidala sa bagyo.
Sigon usab sa Department of Agriculture nga ang Tino nagbilin og P159.14 milyon nga kantidad sa kadaot sa agrikultura, samtang ang kadaot tungod sa Uwan sa sinugdanan gibanabana nga P142.29 milyon.
Dugang usab sa mga opisyal, nga ang rice sector nag-antos sa labing dako nga kadaot gikan sa sunod-sunod nga mga bagyo.
Gawas sa Australia, ang Estados Unidos, Japan, Singapore, Timor-Leste, ug India mitanyag usab og tabang sa Pilipinas.
