Nagfile og divorce ang usa ka babaye sa America human kini nagpatagna sa ChatGpt kung nangabit ba ang iyahang bana.
Nasayran nga gisuwayan pa sa maong babaye ang tradisyonal nga tasseography, kon ang pagpanagna pinaagi sa pag interpret sa coffee grounds, apan imbis nga tinood nga kape ang gamiton sa maong babaye, nag upload na lamang kini og litrato sa AI nga chatgpt, ug gipasagdan na lamang niini ang AI nga mobasa sa kapalaran niini gamit ang litrato sa kape.
Ingon man nga igo lang siya gitubag sa chatgpt nga nangabit ang iyahang bana, ug letrang E matud pa ang nag-una sa pangalan sa maong babaye ug gustong mo guba sa ilahang relasyon.
Pagka sunod-adlaw, nakadesisyon ang maong babaye nga mag-file og divoce sa iyang bana tungod kay nagtuo man kining tinood gayod ang taho kaniya sa AI.
Sa kasamtangan, nakig-areglo pa ang bana niini sa legal nga pamaagi ug naglaum nga dili mahinayon gumikan, dili usab gusto sa lalaki nga buhian ang ilang relasyon hilabi na nga wala saktong ebidensya ang pasangil sa nahisgutang babaye.
