MANDAUE CITY-Gisiguro sa bag-ong direktor sa Mandaue City Police Office (MCPO), nga magpabiling malinawon ug hapsay ang Mandaue City,kini ang nag-una nga prayoridad ni Police Colonel Maribel Getigan, kinsa ni-asumer isip City Director sa kapulisan sa Mandaue Biyernes, Agosto 25.
Misaad si Col. Getigan nga seguradohon niini nga ang tanang unipormadong personnel ubos sa iyang pagmando makahimo sa ilang gitahasan nga mga buluhaton sa labing episyente nga paagi tungod kay gituyo usab niya nga ipadayon ang maayong gawi nga gipaila sa iyang gisundan nga si Police Colonel Jeffrey Caballes.
Nasayran nga su Getigan, ang unang babaye nga police director sa MCPO, kinsa misaad usab nga ipadayon ang pagmugna og all-female SWAT team sa siyudad.
Una niini, giubutyag ni Police Lieutenant Gerson Rosende, hepe sa SWAT team sa MCPO, nga ang pagmugna sa usa ka all-female SWAT team makatabang kaayo sa pag-atubang sa mga babaye nga suspek.
Samtang si Police Colonel Ronald Bulalacao, kanhi direktor sa MCPO, mimando sa paghimo sa usa ka all-female SWAT team human siya milingkod sa katungdanan niadtong Hunyo 2021.
Apan, nahunong ang mga pagbansay-bansay tungod sa pagbalhin sa pipila ka mga sakop sa SWAT team sa siyudad nga ang uban nag-schooling usab.
