Gipasiugda sa mga lider sa Quad Comm ang balaodnon nga nagkanselar sa mga birth certificate nga ilegal nga nakuha sa mga langyaw sa nasod.
Gisang-at ang House Bill 1107 o ang “Fraudulent Birth Certificate Cancellation Law” nga gipangulohan ni Quad Comm lead chairman Rep. Robert Ace Barbers.
Diin ang nasangpit nga sugyot kay resulta sa imbestigasyon nga gihimo sa quad comm nga nag-imbestigar sa EJK, illegal drugs, illegal operations sa POGO, ug human rights violations.
Basi sa explanatory note sa nasangpit nga proposal nga ang birth certificate maoy labing importanteng dokumento sa usa ka Filipino citizen.
Hinungdan nga ang nasangpit nga lakang sa mga magbabalaod tungod sa pagbutyag sa komitiba nga libuan ka mga langyaw ang nakakuha og birth certificate sa nasud sa ilegal nga paagi.
Nagtuo ang mga Kongresista nga adunay mga opisyal sa gobyerno nga nalambigit sa naasoy nga scheme.
Matod ni Barbers, ang maong balaudnon adunay bug-at nga silot niadtong mga kawani sa gobyerno nga motabang sa paghatag og mga dokumento.
Matod ni Barbers nga posibleng dako ang kuwarta nga nalambigit sa paghatag og birth certificate sa mga langyaw nga Chinese.
