Gipahibalo sa Bangko Sentral ng Pilipinas ang mga biyahedor sa gipatuman nga eTravel Customs System sa tanang international airports sa nasod.
Ang eTravel Customs System nagmando sa tanan nga moabot ug mobiya nga mga pasahero nga pun-an ang electronic Customs Baggage Declaration Form (e-CBDF) ug electronic Currencies Declaration Form (e-CDF) gamit ang eTravel website sulod sa 72 ka oras o tulo ka adlaw sa dili pa ang ilang pag-abot ug pagbiya sa Pilipinas.
Gipahinumdoman usab sa BSP ang kinatibuk-ang publiko sa hugot nga pagpatuman sa cross-border transfer of currencies subay sa Section 4 sa Manual of Regulations on Foreign Exchange Transactions.
Diin ang polisiya naglakip sa pagdeklarar sa pagsulod o paggawas gikan sa nasud nga labaw sa USD10,000 o katumbas sa ubang mga kwarta gamit ang e-CDF.
Giawhag sa Bangko Sentral ang tanang mobiyahe sa pagtuman sa gikinahanglang mga kinahanglanon alang sa mas maayong internasyonal nga travel clearance.
