Patay ang upat ka tawo lakip ang suspek human sa pagpamusil sa Dasmariñas City, Cavite.
Matod sa Philippine National Police (PNP), tulo sa upat ka mga biktima ang mga opisyal sa barangay sa Brgy. Saltiran 3.
Nahitabo ang insidente atol sa flag-raising ceremony atubangan sa Barangay Hall dihang niduol ang 50-anyos nga suspek nga giilang si alyas “Ariel”, kanhi gwardiya sa barangay.
Ug mibunot sa wala mailhi nga matang sa pusil ug nagpauwan og bala ngadto sa ang mga biktima nga walay pili.
Giila ang mga namatay nga biktima nga sila si Barangay Chairman Raul Atarde Ballos, 56 anyos, barangay konsehal Jose Lagones, 65 anyos, ug Marvin Cañete.
Naangol usab ang laing biktima nga si Christine Joseph Bonus, Sangguniang Kabataan secretary human kini naigo.
Ingon man nga gipusil usab sa suspek ang iyang kaugalingon human sa panghitabo.
Kasamtangang gisusi pa sa mga otoridad ang motibo sa pagpamusil.
