Hugot nga magbantay ang Bureau of Immigration (BI) sa mga tugpahanan ug pantalan batok sa mga kalihokan sa human trafficking subay sa gipaabot nga pagdagsa sa mga pasahero atol sa Semana Santa.
Sumala ni BI Deputy spokesperson Melvin Mabulac, niining panahona, adunay mga pagsulay sa human trafficking.
Mao kini ang hinungdan nganong gihimo ang Immigration Protection and Border Enforcement Section (I-PROBES) sa BI aron hingpit nga masusi ang mga Pilipino nga mobiyahe pagawas sa nasud.
Ingon man ang bureau kabahin sa Inter-agency Council Against Trafficking (IACAT) nga gitahasan sa pag-imbestiga sa mga kaso sa human trafficking nga gidala sa bureau.
Samtang, subay sa gipaabot nga pagdagsa sa mga pasahero atol sa Semana Santa, gidili sa bureau ang pag-leave sa mga personahe niini atol sa maong panahon.
Gipahinumdoman sa BI ang mga pasahero nga mobiya nga moabot og sayo o tulo ka oras sa dili pa mobiya aron malikayan ang pagka-late sa ilang mga biyahe o flight.
