Gipamatud-an usab sa TV host ug aktor nga si Billy Crawford ang iyang kamaayp sa international stage human midaog sa Season 9 sa Mask Singer France niadtong Domingo, Hunyo 28.
Sa usa ka Instagram post sa Mask Singer, iyang gipaambit ang rendition ni Billy sa “Beat It,” nga orihinal nga gikanta sa gitawag nga “King of Pop” nga si Michael Jackson, nga nahimong iyang winning performance sa grand finale.
Gidayeg usab si Billy sa mga French audience tungod sa iyang mga pasundayag sa lain-laing mga French ug English nga mga kanta sa tibuok season, lakip ang “Le Portrait,” “I Feel Good,” ug “Uptown Funk.”
Sa usa ka mensahe sa tribute nga iyang gipaambit, gipasalamatan ni Billy ang tibuok Mask Singer production team sa pagtago sa iyang pagkatawo sulod sa usa ka bulan sa wala pa niya gibutyag nga siya ang nagpaluyo sa karakter nga “L’Ane” o asno.
