Nipahibaw ang Bureau of Internal Revenue (BIR) nga pabor kini nga patas-an o pabug-atan ang mga silot nga ipahamtang batok sa mga tax evaders sa nasud.
Matod ni Internal Revenue Commissioner Romeo Lumagui Jr. nga suportado niya kini ilabi na kay matud pa niya pipila ka mga korporasyon ang naghimo niini.
Nagtuo siya nga kinahanglang patas-an ang mga silot aron ang mga magbubuhis magmatngon ug mosunod sa saktong proseso sa pagbayad sa ilang buhis.
Iya kining gipahibawo nunot sa pagsang-at og mga reklamo sa tax evasion batok sa 23 ka mga korporasyon nga nalambigit sa ilegal nga kalihokan.
Diin ang maong buhatan misang-at og 23 ka tax evasion complaints ngadto sa Department of Justice (DOJ) batok sa mga korporasyon ug indibidwal nga nagpaluyo sa giingong illegal tax transactions.
Base sa BIR, ang 23 ka mga korporasyon nga ilang gireklamo sa DOJ namalit og ‘ghost receipts’ aron lang makalingkawas sa obligasyon sa pagbayad og buhis.
Niabot kini og P1.41-bilyones nga tax deficiency hinungdan nga pabor si BIR Commissioner Romeo Lumagui Jr. nga patas-an ang silot batok sa mga tax evaders.
