METRO MANILA-Nagpagawas si Bise Presidente Sara Duterte og pahayag kalabot sa giingong plagiarism gikan sa usa ka libro diin gikompara ang iyang gihimo karon nga “Isang Kaibigan” book project.
Matud sa iyang pahayag nga dili lisod ang pagsuwat og “maikling kwento” kon gani basihan ang imong kaugalingong kasinatian, ingon man nga dili na kinahanglan pang mangopya.
Gihimug-atan niini nga ang maong proyekto kay nag-awhag sa mga bata nga higugmaon ang pagbasa ug pagsuwat sa ilang kaugalingong istorya.
Sa pikas bahin, disedido si Risa Hontiveros nga dili palutson ang P10 milyones nga gipangayo sa Opisina ni Vice President arun ipang-apod-apod sa usa ka milyong istudyante sa gisugyot nila nga budget sunod tuig.
Gitataw sa senadora, dili tarong nga hangyo kon adunay usa ka opisyal sa gobyerno nga nagsuwat og libro ug mangayo og gahin aron mapatik ug maapod-apod.
