CEBU – Nakigtagbo si Atty. Gerry Carillo, ang chairman sa Cebu City Disaster Risk Reduction and Management Council, sa mga kapitan sa dakbayan sa Sugbo, ingon man sa mga nagkadaiyang department heads.
Matud ni Carillo, ilahang gihisgotan ang mga lakang nga angayan buhaton sa pakigbatok sa sakit nga dengue diin nagkataas ang kaso sa syudad.
Sigon pa, 11 sa 80 ka mga barangay ang nakatala ug pinakataas nga kaso sa dengue.
Subay niini, gibutyag ni Carillo nga angayang panghingusgan ang 4’oclock habit, ingon man ang search and destroy.
Samtang, gitataw usab niini nga adunay daily hotlines nga mahimong tawagan sa katawhan arun nga daling marespondihan kung ugaling adunay mga emerhensiya kalabot na sa dengue.
Sa latest data, mikabat na sa 1,800 dengue cases ug 30 ang namatay gumikan sa dengue sa syudad sa Sugbo.
