CEBU CITY-Hugot nga ipa-implementar sa Cebu City Police Office (CCPO) ang seguridad sa umaabot nga Regionalized Bar Examinations sa dakbayan sa Sugbo sa petsa 8, 11 ug 15 karong buwan sa Septiyembre 2024.
Ipahigayon ng aong eksaminasyon sa University of San Jose – Recoletos Basak Campus.
Matod pa ni Police Lieutenant Colonel Janette Rafter, Deputy City Director for administration sa CCPO nga kapin 70 ka mga police personnel ang ipakatap sa venue sa maong eksaminasyon takna alas 2 sa kadlawn palang sa mga nahisgutang adlaw.
Kini aron masiguro ang seguridad para sa mga examinees.
Samtang si Police Lieutenant Colonel Maria Theresa Macatangay maoy magsilbing overall supervisor sa maong security detail ug si Police Major Jiceree Basitao ang hepe sa Inayawan Police Station, maoy ground commander.
Magpahigayon sab ang kapulisan ug Liquor Ban subay sa Executive Order no. 17, s.2024 ug striktong pagpatuman sa Anti-Noise Ordinance Implementation sa tanang adlaw sa eskaminasyon sa dugang nga pagsiguro sa seguridad.
Gawas sa mga kapulisan, mag-deploy sab ug mga personahe ang Cebu City Disaster Risk Reduction and Management Office, Philippine Coast Guard, Cebu City Transportation Office, Bureau of Fire ug uban pang buhatan sa gobyerno aron pag-asistar sa maong seguridad.
