Subsob ang pagpangandam sa mga sakop sa Cebu City Police Office alang sa umaabot nga ASEAN Summit nga ipahigayon sunod semana sa Dakbayan og Probinsya sa Sugbo.
Matud ni Police Lieutenant Colonel Jose Losbaños, ang tigpamaba sa CCPO nga andam na ang mga sakop sa kapulisan sa Dakbayan sa Sugbo sa pagbantay sa siguridad og pagpatuman sa kalinaw og kahapsay sa umaabot nga kalihokan sunod semana.
Kasamtangan usab karon nga nagpahigayon og send off Ceremony ang sakop sa mga kapulisan alang sa ASEAN Summit sa City De Mari sa South Road Properties aron hingpit na nga ma deploy ang pipila usab sa mga sakop sa kapulisan sa nagkadaiyang areas nga adtoan sa mga delegado.
Padayon usab ang pagpahigayon sa Gun-ban sa umaabot nga mga adlaw subay na usab sa mga kalihokan aron malikayan ang mga kakulian samtang adunay mga checkpoints nga ipatuman mataghigayon sa Dakbayan.
Gihimug-atan ni Losbaños, nga gidili ang mga indibidwal nga magdala og armas bisan paman aduna kini lisensya, gawas nalang sa kadtong security personnel nga nagpahigayon sa ilang operasyon o di bakaha on duty.
