-- ADVERTISEMENT --
Nanawagan si Cebu Archbishop Abet Uy sa publiko nga mosalmot sa prayer-march rally sa Cebu Pakigbisog Kontra Korapsyon (SUPAKK) nga gikatakda karong Domingo, Nobyembre 30.
Sumala ni Archbishop Uy, nagdasig siya sa mga Sugbuanon nga adunay maayong kasing-kasing.
Iyaha usab nga giklaro nga dili kini limitado alang sa mga Katoliko lamang, tungod kay kini nagtumong ug gitagana sa tanang indibidwal nga adunay maayong kabubut-on, nagbaton sa pagtuo sa Diyos sa kinabuhi, pwede nga mangilabot ug ingun man mosalmot sa maong prayer march rally.
Gihimug-atan usab sa Arsobispo kung unsa ka mahinungdanon ingun man ka importante ang panaghiusa, aron hingpit nga motumaw ang kausaban, nindut nga kausaban sa nasud.
