Nakatala ang buhatan sa Cebu City Department of Veterinary Medicine and Fisheries – Meat Inspection Service sa taas nga koleksyon ug ihap sa mga aprobadong meat establishment sa syudad niadtong Enero 2026 kun itandi sa nakalabayng tuig.
Kini ang gipamahayag sa maong buahtan diin sa ilang pagpresentar sa datos ubos sa Mayor’s Management and Improvement Program sa Management Information and Computer Services kay nagpakita sa ilang kinatibuk-ang koleksyon sa P223,050 sa Enero 2026 nga mas taas og P42,250 sa napanukot nga P180,000 niadtong Enero 2025.
Sa nakalabayng tuig, ang mga koleksyon sa mga regulated meat establishments kay miabot sa P1,205,250 nga naghulagway sa kanunay nga revenue generation gikan sa mga pamatigayon nga nagtuman sa regulasyon sa syudad. Nagpakita sab kini nga ang pipila ka mga meat establishments kay nakatala og pagsaka sa koleksyon pag-Enero 2026.
Ang mga litsonero nakamugna og P43,800 nga mas taas kay sa sa P32,650 pag Enero 2025. Samtang ang mga meat dealers, suppliers, ug retailers nakakolekta sa P49,450 nga mas taas gihapon kun itandi sa P44,400 pag Enero 2025.
Ang mga meat processors ang nakatala sa pinakadakong pagsaka sa koleksyon samtang ang mga meat shop operators kay nagpakita sa b sa ilang baskog nga paglambo ug ang mga slaughterhouse kay nakatala na og koleksyon sukad sa zero-record niini pag Enero 2025.
Adunay kinatibuk-ang 237 ka mga meat establishments ang naaprobahan pag Enero 2026 sa ilang permit approvals itandi sa 219 lang pag Enero 2025.
Sumala sa mga opisyal sa dakbayan nga ang pagsaka sa maong datos nagpakita sa mas ligdong nga monitoring, regulatory enforcement, ug mas taas nga compliance sa mga meat establishments.
Padayon ang City Meat Inspection Service sa ilahang tahas aron mapanalipdan ang publiko sa food safety standards ug nag-operate ang mga tigpatigayon subay sa lagda ug regulasyon.
