Gipaubos ang Dakbaya sa Sugbo sa State of Preparedness, gumikan sa padayong nasinati nga kainit sa dakbayan sa panahon summer season.
Matud ni Cebu City Councilor Dave Tumulak, nga gipaubos sa State of Preparedness ang dakbayan gumikan sa kainit sa panahon nga nasinati nga usa sa mga rason nga makaapekto sa produksiyon sa agrikultura.
Hinungdan nga gipatawag sa kagamhanan ang buhatan sa City Agriculture aron sa pagplano sa posibleng mga lakang nga buhaton hilabi na paghatag hinabang alang sa mga mag-uuma sa dakbayan.
Lakip na ang pag-abag sa mga mag-uuma nga makapadayon sa pagtanom sa mga lagutmon taliwala sa nasinati nga grabeng kainit og padayung pagsaka sa mga nag-unang mga palaliton.
Nakita usab sa kagamhanan ang kausaban sa mga kabukiran sa dakbayan gumikan kay pipila niini ang na-uga gumikan sa padayong kainit sa panahon, hinungdan nga iyang gipahimangnoan ang mga kabarangayan og ang City disaster team responders nga likayan nga adunay motumaw nga sunog aron usab sa pagtipid sa pundo sa tubig, nga usa usab sa hagit sa publiko.
