Cebu City mohatag og housing materials sa mga residenteng apektado sa pagdahili sa yuta

CEBU – Gisusi sa City Engineering Department kauban ang Committee on Infrastructure sa Cebu City, ang Barangay Kalunasan, diin nakasinati ug pagdahili sa yuta kagahapong adlawa subay sa pagbunok sa uwan.

Gibutyag ni Cebu City Councilor Jerry Guardo, nga ilahang gisusi ang gidak-on sa kadaut sa landslide ug kung gikinahanglan nga pabalikon sa area ang mga residente o dili na.

Kung ugaling dili na makabalik ang mga residente sa apektado nga area, muhatag ang City government ug housing materials, ingon man cash assistance alang kanila.

Sa pagkakarun, gipahiluna una sa basketball court sa naasoy nga barangay ang mga apektadong residente arun nga dili mabutang sa peligro ang ilahang mga kinabuhi.