CEBU CITY-Magpakatap ang Cebu City Police Office og unit sa mga barangay nga hilahiban nga naapektohan sa problema sa illegal nga drugas.
Diin ang maong unit gitawag og Revitalized Police sa Barangay nga gilangkuban sa napulo ka mga personnel gikan sa City Mobile Force Company (CMFC).
Gisaysay ni Police Colonel Ireneo Dalogdog, ang hepe sa kapulisan sa dakbayan sa Sugbo nga tungod kay wala na’y problema sa insurgency ang syudad.
Nasayran nga ang trabaho sa CMFC mao ang pagpahigayon og internal security operations labi na sa bukirang barangay aron dili malutsan sa mga rebelde.
Sa data sa PNP sa 80 ka barangay sa dakbayan sa Sugbo kay 20 niini ang giila nga seriously affected sa illegal nga drugas.
Tungod niini patutukan ni Dalogdog sa maong mga police personnel mga apektadong lugar alang sa drug clearing program.
Ingon man nga gitahasan sila nga makig-alayon sa Barangay Anti-Drug Abuse Council, Philippine Drug Enforcement Agency PDEA 7 alang sa nag-unang programa sa Department of Interior and Local Government nga Buhay Ingatan, Droga ay Ayawan o mas naila nga BIDA program.
