CEBU CITY-Gidasig ug giawhag sa Cebu City Transportation Office ang mga katawhan nga manakayay og pampublikong sakyanan nga dili mohatag sa mga manaygunay nga kalit lang mosakay, ingon man ang mga drayber giobligar nga mopakanaog sa mga manaygon.
Atol sa pakighinabi sa Bombo Radyo Cebu kang Raquel Arce, ang pangu sa CCTO gibutyag niini nga ang maong lakang kay nagtumong nga mahunong na ang kultura sa mga makililimos ingun man pagtubag sa mentalidad nga magsalig sa taw pinaagi sa pagpangayo.
Pahimagno niini nga kon uganing masakpan ang driver o pasahero nga mohatag bisan pa sa ginagmay nga balor kay makamulta kini og P1,000 bisan paman nga bag-o lang gipakatap ang maong impormasyon pinaagi sa pagpahibalo ngadto sa publiko.
Hinungdan nga gidasig niini nga mosunod sa gilagdang balaod aron sa paglikay sa mga posibling disgrasya ug dili mapahamtangan og silot.
Gihatagan usab ug katin-awan ni Arce kalabot sa pagkuha og permit kon gani gustong manaygon subay sa pagpahibalo sa kadagkoan sa Anti-Mendicancy Board nga kinahanglan mokuha og permit harun sa pag-ila sa manaygon nga posibling mo abot ngadto sa mga panimalay ug mga kadalanan karong panahon sa pasko diri sa dakbayan sa Sugbo.
Matud niini nga adunay limitasyon ng maong permit, ingon man nga lakip sa maong mga gidili ang pagpanaygon sa kadalanan.
