PROVINCE OF CEBU- Giklaro ni Cebu Governor Pamela Baricuatro nga wala siya’y taktakon nga mga department head nga nangulo sa mga Cebu Provincial Capitol.
Apan bisan paman nga klaro nga walay matangtang nga mga pangu kay plano niini nga himuong departamento ang Provincial Tourism Office ug Provincial Disaster Risk Reduction and Management Office.
Mao kini ang iyang gitataw atol sa ikaduhang adlaw nga paglingkod ug pagpanumpa sa executive members niini.
Diin mao sila si Ace Durano isip gitudlo nga Provincial Administrator Department Head, Paulo Uy isip Chief of Staff, Ruben Licera isip Public Information Officer Head, ug uban pa.
Samtang, giubanan ni Cebu Governor Baricuatro sa stage si Bise Gobernador Glenn Soco ug mga sakop sa 17th Sangguniang Panlalawigan atol sa ilang inagurasyon sa unang gabii sa Hulyo.
Diin giubanan sila sa mga miyembro sa pamilya ug mga higala, lakip ang anak nga babaye sa gobernadora, nga si Dr. Nicole Catalan, ug ang iyang bana, nga si Brian To.
Aron pagmatuod sa iyang pasalig sa iyang katungdanan isip bag-ong gobernadora, ug ang kalihokan nagtimaan sa pormal nga pagsugod sa iyang administrasyon human sa iyang opisyal nga paglingkod sa katungdanan.
