PROVINCE OF CEBU- Nihimo og sunodsunod nga operasyon ang Cebu Police Provincial Office, aron sa pagmintinar sa kahapsay ug kalinaw sa Probinsiya sa Sugbo, hinungdan nga aduna silay natala nga mga nasikop atol sa usa ka semana nga operation o gikan sa Abril 14 ngadtu sa 20, 2025.
Ang mao nga mga operasyon, batok sa mga illegal drugs, loose firearms, illegal gambling, wanted persons, ug enforcement of local ordinance.
Nasakmit sa mga kapulisan sa Probinsiya sa Sugbo ang anaa sa PhP1,161,848.00, atol sa ilahang gilusad nga 48 ka mga operasyon, nga hinungdan sa pagkasikop sa 66 ka indibdiwal og pagkasakmit sa 170.86 grams sa ginadiling Drogas.
Dugang pa, nga sa Loose Firearms, nakahimo sila og 22 ka operasyon, ug nasikop ang anaa sa unom ka indibidwal, gisakmit o Nabawi usab ang pito ka pusil nga walay lisensiya ug adunay 12 ka mga gi-surrender.
Samtang, sulod lamang sa usa ka semana, nasikop usab ang unom ka-most wanted person ug laing 19 nga wanted person.
Kung diin, anaa sa 30 ka mga warrant ang napagawas, sumala sa kinatibuk-ang 27 ka mga operasyon.
Sa Illegal Gambling nadakpan ang anaa sa 32 ka mga sugarol sa 13 ka mga operasyon nga gipahigayon ug nasakmit ang anaa sa PhP6,349.00, nga beating money.
subay sa enforcement of local ordinance, aduna silay napamulta nga 491 ka mga indibidwal ug uban pang 273 niini.
Nakatala usab sila og kinatibuk-ang penalties nga nagkatindad og PhP225,500.00, sumala sa kinatibuk-ang 2,588 ka mga operasyon.
Dinhi, gidayeg ni Police Col. Jovito M. Anatacio, Acting Provincial Director of Cebu Police Provincial Office, ang kapulisan sa ilahang malampuson nga poperasyon ug nagpasalamat sa kooperasyon sa publiko hinungdan nga nagpadayon ang kalinaw ug kahapsay sa Probinsiya sa Sugbo.
