Miluwat og abiso sa publiko ang buhatan sa Cebu Provincial Health Office sa kagamhanang lalawigan kabahin sa kabalaka sa mga ugbuanon nunot sa nataho ng aktibong kaso sa Mpox sa lalawigan kagahapong adlawa sa Huwebes, Mayo 29, 2025.
Sumala sa maong advisory diin nanukad ang ilang pahibalo sa Update Interim Guidelines on the Prevention, Detection, and Management of Mpox sa Department of Health (DOH).
Gilatid niini ang hinungdan sa sakit nga kabahin sa ‘genus’ nga Orthopoxvirus sa Poxviridae family diin ang transmission kay mahitabo lang sa direktang kontak sa mga apektadong indibidwal pinaag sa infectious skin o mucosal lesion, body fluids, respiratory droplets o mga kontaminadong materyal.
Ang mga timaan or sintomas sa Mpox kay mao ang skin rashes o lesions, hilanat, swollen lymph nodes, labad sa ulo, pamaol, pagpanakit sa buko-buko, sore throat, ug luya nga panglawas.
Matod pa sa buhtan ang ang paglikay sa maong sakit ang pinakamaayong paagi aron maluwas ang kinabag-an sa populasyon.
Pipila sa mga maayong pamatasan nga may kabahin sa kaluwasan sa kalawasan sa publiko mao ang paglikay sa close ug intimate contact sa mga positibo sa sakit, pag-obserbar og saktong paghugas sa kamot gamit ang running water ug sabon o alcohol-based nga handrub, ug uban pa.
Gipahimangnoan sab niini ang mga tigbalay nga manglimpyo sa ilang panimalay gamit ang mga aprobadong standard cleaning agents sama sa bleach.
Nakalatag na sab kini og paghugot sa mga byahedor sa tanang inbound ug outbound travelers aro mapugngan ang external threat sa transmission sa Mpox.
Gani giawhag na niini ang tanang healthcare personnel sa mga pribado ug pampublikong pasilidad sa pagtuman sa Infection Prevention Control ug ang pagsul-ob nila sa Personal Protive Equipemnt (PPE) aron sa pag-obserbar sa standard protocols.
Ulahing pahimangno niini nga kung adunay namatyagang sintomas sa maong sakit kay daling magpakonsulta sa pinakadoul nga health facility.
