Nag-awhag sa matag Municipal Health Officers (MHO) gikan sa mga nagkadaiyang local government units (LGUs) sa lalawigan sa Sugbo si Provincial Health Consultant Dr. Nikki Catalan nga aktibo ug dasigon ang mga Sugbuanon nga muapil sa PhilHealth YAKAP (Yamang Kalusugan Para sa Pamilya) program aron nga mas daghang pang makapanghimulos sa benepisyo ug serbisyo medikal.
Sumala pa ni Catalan nga ang programa kay usa ka importanteng inisyatiba aron mapaduol ang serbisyo sa panglawas ilabina sa mga hilit nga mga lugar sa probinsya nga matagana sa publiko.
Dugang pa nga mamahimong magmalampuson lang kini kung magtinabangay ang tanang sektor sa pag-apil sa suliran sa komunidad.
Gani nagbuhat kini og panagtigom sa Cebu Capitol Conference Hall uban ang mga opisyales sa PhilHealth YAKAP ug mga lider sa sektor sa panglawas sa lalawigan.
Dinhi ilang gihisgutan ang ilang potesnyal sa pakigtambayayaong, koordinasyon, ug paghan-ay sa mga kakuwang aron mas episyente ug epektibong matubag ang panginahanglan sa panglawas sa matag Sugbuanon
