CEBU CITY-Human sa desisyong magpabiling abli ang Natalio Bacalso Avenue sa dakbayan sa Sugbo kay magpabilin sab nga abli ug padayon ang operasyon sa Cebu South Bus Terminal (CSBT) sa adlawg kapistahan ni Sr Sto Niño ug sa Sinulog Grand Parade and Ritual Showdown sa umaabot Enero 19, 2025.
Kini ang nahukman sa kadagkuan sa Kapitolyo sa lalawigan sa Sugbo, Cebu City Transportation Office (CCTO), ug sa ubang nasudnong ahensya sa hobyerno nga nagdumalla sa transportasyon saa sa Land Transportation Office (LTO) ug Land Transportation and Franchising Regulatory Board (LTFRB).
Agi kini og pagdalit sa serbisyo sa publiko nga mamauli sa habagatang Sugbo sa ilang pagbisita sa dakbayan sa kapistahan sa Sinulog.
Sa habig sa CCTO, ang kadalanan sa N. Bacalso Avenue, atubangan sa Cebu City Medical Center (CCMC) kay sirado para sa mga pribadong behikulo ug ang mga pampublikong bus ra ang makasulod aron sa padayong operasyon niini.
Gani mipasiguro sab ang CCTO sa mga designated bus lanes og ang striktong lagda niini sa loading and unloading zones aron sa pagsiguro sa hapsay nga dagana sa trapiko.
Samtang sa Kapitolyo sab kay magpakapat og dugang CCTV cameras aron mamonitor ang pagsulod-gawas sa mga bus sa terminal.
Gipasalig usab ni LTO-7 Regional Director Glen Galario nga aduna na silay mga dugang personahe ang ipakatap sa kadalanan palibot sa naasoy nga lugar.
Samtang giawhag sab ni Cebu PRovincial Governor Gwendolyn Garcia ang kooperasyon sa tanan diin ang karong edisyon sa Sinulog kay nahibalik na sa pusuran sa dakbayan sukwahi sa nakalabayng duha ka tuig.
