Mipadayag sa ilang kahinam ang NBA superstars nga sila si LeBron James ug Stephen Curry nga maghiusa sa puwersa alang sa Paris Olympics.
Matud pa ni USA coach Steve Kerr, nagpabilin silang determinado nga makuha ang gold medal sa Olympics nga ilang gihuptan sulod sa lima ka tuig.
Giingong ihiklin sa duha ang pagka-atbang sa NBA sa ilang 52 ka duwa nga panagribal sulod sa 15 ka tuig.
Si Curry adunay 29-23 nga kadaugan nga rekord batok kang LeBron sa NBA nga adunay 17-11 nga rekord sa mga miting sa playoff.
Sa miaging season, ang hiniusang 82 puntos sa double-overtime thriller sa Los Angeles Lakers nga mipilde sa Golden State Warriors 145-144 makonsiderar nga duwa sa tuig.
Sa sunod semana, magsugod na ang ilang training camp sa Las Vegas sa dili pa ang warm-up games batok sa Canada karong Hulyo 10.
Ang USA team mopahigayon usab og pre-Olympic games sa Abu Dhabi ug London sa dili pa magsugod ang group games sa Olympics batok sa Serbia karong Hulyo 28.
Kauban nila ni James ug Curry sa Team USA sila si Kevin Durant, Anthony Davis, Anthony Edwards, Jayson Tatum ug Joel Embiid.
Gipasigarbo pa ni Kerr nga ang ilang mga magduduwa puno sa mga kalampusan sa mga duwa ug gigutom pa sila sa daog.
