Cebu City – Gipahimangno-an ni Joel Elumba, ang Regional Technical Director sa Department of Agricuture (DA-7) ang mga mag-uuma nga mangandam sa panahon sa ting-init ug sa posible nga El Niño Phenomenon.
Sa Goodmorning Philippines (GMP) Program sa Bombo Radyo Cebu gipasabot ni Elumba sa mga mag-uuma nga kung dunay mga tanom nga hapit na anihon dili na matud maghuwat pa nga maabtan sa El Niño kinahanglan nga ila na gyud kini nga ani-hon.
Hinoon, gitino ni Elumba nga dili naman kini ang una nga higayon nga nakasinati ang nasud niini ug ingon man ang mga mag-uuma hayan nasayod na matud pa sila sa ilang buhaton. Apan bisan paman naa pa gihapoy mga measures nga gihimo ang DA.
Dugang pa sa technical director nga sa panahon sa El Niño dili pasabot niini wala nay tubig inay nagkuwang lang sa tubig hayan ang mga mag-uuma dili usab magtanom og mga lagutmon nga magkinhangaln og daghang tubig. Angayan nag iha-om usab ang mga itanom sa klima.
Mao usab kini karon ang gitutukan sa ahensya nga mapalapdan usab ang information dissemination kalabot niining maong hisgutanan.
Sa laing bahin,gikahadlokan karon sa DA-7 ang African Swine Fever nga makasulod sa Central Visayas. Kini human duna nay outbreak sa maong sakit sa gawas sa nasud partikular na sa China nga matud pa dool lang sa Pilipinas.
Matud ni Elumba nga dakong piang kini sa industriya sa rehiyon-7 sanglit walay prevention ug wala usab tambal kining maong virus ug siento porsyento niini ang dili gyud mabuhi.
Hinungdan nga subsub ang ila karong pagbantay sa mga airport ug seaport ilabina nga ang Rehiyon-7 bintaha sa livestock production.
Gani sa kauluhan nagsugod na usab og pang-inspeksyon sa mga airport ug seaport ang mga personnel sa DA inabagan na usab sa Bureau of Customs (BOC) nga kung dunay mga OFW o si kinsa mang mga musulod sa Pilipinas nga magdala og karne ila na gyud kini nga kompiskahon.
