-- ADVERTISEMENT --
Subling gipaandam na usab sa Department of Agriculture ang mga mag-uuma sa nasud alang sa hulga sa mga bagyo nga anaa gawas sa Philippine Area of Responsibility (PAR).
Nipagawas ang DA og abiso aron pahinumdoman ang mga mag-uuma sa pag-ani sa ilang mga ani sa dili pa ang posibleng kusog nga ulan ug hangin.
Gitambagan usab sila sa ahensya nga dad-on ang mga liso, materyales sa pagtanum, abono, ug uban pang mga gamit sa umahan sa mas luwas nga lugar, aron luwas sa baha.
Gipunting usab sa ahensya ang kaluwasan sa mga kahayupan o mga binuhi, lakip ang ilang pagkaon, ilimnon ug tambal.
Dugang pahinumdum sa DA, nga likayan nga managat kung masinati na ang kusog nga balud.
-- ADVERTISEMENT --
