CEBU CITY-Gipangandam na ang dagan sa trapiko sa Cebu South Road Properties alang sa umaabot nga Sinulog Grand Ritual Showdown 2024.
Gibutyag ni Joy Tumalak, ang head operation sa CT-TODA nga kung magsugod na ang maong kalingawan, gi-allow sa Cebu City Government ang mga sakyanan nga maka sulod ug mu parking sa mga parking area nga padulhog sa may taytayan sa SRP.
Apan kung mapuno na ang maong parking area, dili na kini sila magpa-parking diin nga ang mahitabo, ang mga sakyanan nga nag gikan sa South, adto mu tuyok paingon sa Mambaling og ginabawal nila ang pag parking kilid sa kadalanan.
Gipahibalo usab ni Tumulak sa mga katawhan nga aduna’y ipakatap na mga personnel aron sa pagbantay sa mga kadalanan og sa katawhan nga aduna’y mga sakyanan nga dili mu parking daplin sa dalan.
Matod pa ni Tumulak, ang Cebu South Coastal Road maoy emergency exit kon aduna’y mga kakulian nga mahitabo.
Giawhag ni Tumulak ang mga katawhan nga maglingaw apan kinahanglan usab nga magbantay sa pag lakaw2 og pag byahe2 tungod kay wala ta kahibalo sa dagan sa panahon.
Dugang niini, kung mamahimo, mas maayo nga planohon daan ang mga lakaw aron nga masayod mo kung asa mo padulong.
Mas maayo usab nga planohon usab ang mga oras aron nga dili ma atol sa alanganin.
