Nakapatay sa kapin sa 80 ka mga tawo ang pagbayloay sa mga missile ug airstrike tali sa Israel ug Iran./
Ang mga awtoridad sa Israel mitaho nga tulo ka mga tawo ang namatay sa Israel ug 19 ang nasamdan sa sunod-sunod nga mga missile sa Iran.
Duha ka tawo ang namatay ug 19 ang samdan sa pag-atake sa missile sa Iran nga miigo duol sa mga balay sa Rishon Lezion sa habagatan sa Tel Aviv.
Usa ka ikatulo nga tawo ang namatay human naigo sa usa ka bahin sa Iranian missile sa first wave sa overnight missile strike.
Ang babaye nga biktima gideklarar nga patay sa lungsod sa Ramat Gan, sidlakang bahin sa Tel Aviv.
Gi-report sa Iran nga 78 ka mga tawo ang namatay sa mga pag-atake sa Israel ug 320 ang nasamdan, kadaghanan kanila mga sibilyan.
Samtang, nagpadayon ang pagpangita alang sa mga residente nga mahimong ma-trap sa mga building duol sa residential area sa Rishon Lezion nga naigo sa mga missile strikes sa Iran.
Sumala sa National emergency response agency nga si Magen David Adom (MDA), daghang mga building ang grabeng naguba sa ilang pag-abot sa dapit samtang pipila sa mga naangol natanggong sa mga nahugno nga mga building ug ang uban nakit-an nga naglakaw nga adunay mga samad.
Sa sayo pa, ang tensyon tali sa Iran ug Israel misilaob pag-usab human sa kalit nga pag-atake sa Israel niadtong Biyernes, Hunyo 13 sa mga military ug nuclear facilities sa Iran nga mipatay sa pipila sa mga nag-unang mga lider sa nasud, nga nag-aghat niini sa pagbalos pinaagi sa usa ka missile nga pag-atake sa Israel.
