Gisugyot sa nasud nga Denmark ang pagpanday sa balaudnong “social media ban” para sa mga kabatan-onang nag-edad og 15-anyos paubos.
Kini ang gipahibalo ni Prime Minister Mette Frederiksen diin wala pa kini nagdetalye kung unsa nga mga social media networks ang malangkob sa maong sugyot sa pagdili or kung matuman ba kini apan kini nga inisyatiba ang iyang gipaila atol sa iyang pamahayag sa parlyamento sa opening niini sa ilang autumn season.
Ang maong bill kay magtinguha nga ang mga ginikanan mahatag og pagtugot sa ilang mga anak nga mugamit og social media gikan sa edad nga 13-anyos.
Matod pa ni Frederiksen nga ang mga cell phone ug social media kay naghikaw sa ilang mga kabatan-onan sa ilang pagkabata diin bana-bana nga 60% sa mga Danish boys nga nag-edad og 11 hangtod sa 19 anyos nga mas gusto nga magpabilin sa balay kay sa paggahin og panahon uban sa mga higala.
Una nang nataho nga ang Australia sa sugyot niini pagpugong sa ilang kabatan-onan nga maka-access og akalilisang nga mga butang sa internet.
Ang mga social media platforms nga Facebook, Snapchat, TikTok ug YouTube ang gipaubos sa social media ban sa Australia.
Kaniadtong Hunyo lang, gisugyot sa Greece ang pagbutang usa ka “age of digital adulthood” sa tibuuk nga 27-nasud nga European Union nga nagpasabut nga ang mga bata dili maka-access sa social media kung wala’y pagtugot sa mga ginikanan.
