Nanawagan ang Department of Education sa mga pampublikong eskwelahan nga mohimo sa ilang End-of-School-Year o kon EOSY nga mga kalihokan, sa katapusan sa buwan sa Mayo, sulod sa covered court.
Kini tungod kay nag-atubang pa ang nasud sa makuyaw nga heat index tungod sa El Niño.
Basi sa Memorandum 23-2024 nga gipagawas sa DepEd niadtong Mayo 2, ang EOSY rites, gikatakdang ipahigayon gikan sa Mayo 29 hangtod sa Mayo 31, ning tuiga ug gipresentar nga himoon sa mga indoor venues o well-ventilated areas aron masiguro ang kaluwasan ug proteksyon sa mga estudyante, mga magtutudlo ug mga manambong.
Dugang pa, ang mga eskuylahan giingon nga likayan ang pag-iskedyul sa ilang mga EOSY sa mga panahon sa grabe nga kahayag sa adlaw.
Matod ni Atty. Michael Poa, ang tigpamaba sa DepEd, nga ang maong memorandum tinuyo nga wala magtakda og panahon sa mga seremonyas tungod kay mahatagan og kahigayonan ang mga tunghaan sa pagplano og mga kalihokan sa panahon nga adunay ubos nga temperatura.
