CENTRAL VISAYAS-Gipahunong sa buhatan sa Department of Migrant Workers – Central Visayas (DMW-7) ang usa ka recruitment activity sa usa ka tanyag nga hotel sa dakbayan sa Sugbo niadtong Huwebes, Pebrero 6, 2025.
Kini nunot sa kasayurang nga kuwang sa mga gikinahanglang permits ang maong kalihukan hinungdan sa wala pagtuon sa mga awtoridad niini.
Matod sa pa DMW-7 pinaagi sa usa ka statement diin gatosan ka mga aplikanteng magtutudlo ang mi-apply nga gikan pa sa ubang bahin sa Kabisay-an ug bisan sa Mindanao.
Gihangop ang maong recruitment event tingod nagsaad kini sa trabaho isip magtutudlo sa State of Alaska sa Estados Unidos (USA).
Sa imbestigasyon nagpakita nga ang mga organizers sa maong kalihokan kay napakyas sa pagpakita ug “Letter of Authority” (LOA) nga usa sa mga gikinahanglang dokumento sa pagtugod sa mga langyaw nga mga patigayon nga mag-recruit og mga trabahante diri sa Pilipinas.
Mismong mga personahe sa DMW-7 Migrant Workers Protection Division ang nangunay sa pagpahunong sa kalihokan nga gipangunahan ni OIC-Regional Director Maria Eloida Cantona.
Matod ni Cantona nga ang mga school district representatives, principals, ug superintendents ang nangunay sa pagpahigayon og recruitment interviews nga walay presensya sa mga lisensyadong recruitment agency sa nasod.
Aron malikayan ang susamang panghitabo, mipadangat og kasayuran ang DMW-7 sa maong kalihokan nga insaktong hiring process ug tukamg dokumento.
Giawhag sa mga awtoridad ang publiko nga magpabiling alerto sa mga unauthorized recruitment activities aron dili mailad nga musangpot sa delikadong sitwasyon kung makagawas na sa nasod.
