Nakapa-repatriated sa 107 ka mga Middle East-based OFWs ang buhatan sa Department of Migrant Workers – Central Visayas (DMW-7) karon lang nang buwan sa Abril.
Kini ang gipamahayag ni Jhoaden Lucero, ang Regional Director sa DMW-7 diin sumala pa nga adunay silay upat ka mga istratehiya nga gipatuman aron abagan ang atong mga OFWs sa kalisod nga ilang nasinati karong nga nga gyera sa tunga-tungang sidlakan.
Ang mga istratehiya kay mao ang Assistance to OFWs in transit, Assistance to OFWs on-site, Repatriation, ug Reintegration.
Ang Assistance to OFWs in transit kay para sa kadtong mga na-stranded sa ilang byahe tungod sa pagkabalda sa serbisyo sa mga airlines mugna sa gubat.
Ang Assistance to OFWs on-site kay ang pagpahiluna sa mas luwas nga dapit sa mga OFW nga nagpabilin sa langaw nga mga nasud sa Middle East nga apektado sa gubat.
Ang Repatriation kay ang pagpasiuli sa mga OFW nga ganahan mupuyo pagbalik sa Pilipinas.
Dayon ang Reintegration kay ang pagdalit kanila og panginabuhian ug uban pang serbisyo aron aduna silay pangita diri sa nasud.
Gani ang DMW-7 kay nagkigkoordinar sa ubang ahensya sa gobyerno sama sa Overseas Workers Welfare Administration (OWWA) ug local government units (LGUs) nga gigikanan sa mga OFW sa higayong adunay mass repatriation.
Gani kaniadtong Marso 31 kay ang DMW-7 kay nakiglagdaay og Memorandum of Agreement (MOA) sa unom ka LGUs sa rehiyon partikular ang Sugbo, Bohol, Siquijor, mga highly urbanized cities sa Metro Cebu aron madalit ang ilang mga serbisyo kauban ang mga ahensya sa DSWD, DOH, TESDA, DOLE, OWWA, ug LAW Center Inc. sa ilang One Window Bayanihan Assistance program.
