Hugot nga nag-monitor ang Department of Migrant Workers (DMW) sa sitwasyon sa mga Pilipino nga naapektuhan sa nagpadayon nga tensyon sa utlanan sa Thailand ug Cambodia.
Sumala ni DMW Secretary Hans Leo Cacdac, adunay 56 ka mga Pilipino sa Cambodia ug 259 sa Thailand nga direktang naapektuhan sa kagubot ug kadaghanan kanila mga magtutudlo ug non-teaching personnel nga nagtrabaho sa mga tunghaan duol sa utlanan sa Thailand nga temporaryong gipabakwit tungod sa sitwasyon.
Gitaho usab sa kalihim nga 22 sa 56 ka mga Pilipino sa Cambodia ang gikatakda nga ibalik sa nasud sa sunod semana.
Samtang, ang DMW naghatag usab og pinansyal nga tabang alang sa mga batakang panginahanglan sa mga magtutudlo nga temporaryong nawad-an sa ilang trabaho tungod sa kagubot.
Gipasiugda ni Cacdac ang importanteng papel sa pagpatuman sa hiniusa nga mekanismo sa referral sa paghimo sa paghatag og tabang sa mga biktima sa trafficking ug kagubot sa gawas sa nasud nga mas paspas ug mas episyente.
Gipaambit usab ni Cacdac nga sa katapusang operasyon sa gobyerno sa pagpauli, ang tibuok proseso nahuman sulod lang sa tulo (3) ka adlaw ug 346 ka mga indibidwal ang malampusong nakabalik sa nasud—mas paspas kon itandi sa nangaging mga operasyon.
