Miluwat sa Sinulog 2026 Health Tips ang ahensya sa Department of Health – Central Visayas (DOH-7) ngadto sa publiko aron masaulog ang kapistahan nga luwas ug hapsay ilabi na sa natad sa panglawas.
Kini ang gisapublikar sa buhatan pinaagi sa ilang social media page sa pagpadangat og maayong buluhaton aron dili mataptan sa sakit o makasinati og paglain sa lawas.
Mipahimangno kini sa musunod:
Kanunay ang pagdala sa proteksyon batok sa init o uwan sama sa payong, kalo, paypay, kapote, ug labakara;
Pagbawn og ginagmayng pagkaon nga dili dali madaot o mapan-os;
Pagdala sa igong mainom nga tubig;
Kung mamahimo, ibilin sa panimalay ang mga bata, Senior Citizens, mabdos, ug kabanay nga adunay gisabak nga gipamating sakit;
Pagsul-ob sa hayahay nga sinena ug extra nga bisti;
Ug ang kanunay nga pag-sanitize sa mga kamot gamit ang alcohol-based sanitizer o gamit ang tubig ug sabon.
Giawhag pud niini ang publiko nga kung adunay emerhensiya, daling manawag og duol nga emergecy personnel o mutawag sa 24/7 DOH Central Visayas CHD Regional Patient Navigation and Referral Unit.
