DOJ, gilugwayan si Sen. Estrada hangtod sa Marso 9 alang sa pagsumiter og counter-affidavit sa plunder case niini

Gihatagan sa Department of Justice (DOJ) si Senador Jinggoy Estrada ug ang iyang mga kaubanan og lugway hangtod sa Marso 9 aron magpasaka og counter-affidavit sa kasong plunder nga gisang-at sa National Bureau of Investigation (NBI).

Sigon sa tigpamaba sa DOJ nga si Polo Martinez, nga ang NBI nagdugang og mga respondents ug ebidensya sa ilang reklamo.

Dugang niya nga gihatagan sa mga prosecutor ang NBI hangtod sa Pebrero 26 aron mahatagan ang mga respondents og mga kopya sa ilang ebidensya.

Kung mahatag na kanila ang mga dokumento, ang mga respondents adunay hangtod sa Marso 9, 2026 aron magpasaka sa ilang counter-affidavits.

Wala nila gibutyag ang mga identidad sa dugang nga mga kauban sa senador.