Gipaambit sa Department of Labor and Employment (DOLE) nga ilang gamiton ang programang TUPAD aron matabangan ang mga trabahante sa transportasyon nga naapektuhan sa padayon nga pagsaka sa presyo sa mga produktong petrolyo.
Sumala ni DOLE Director Leilani Reynoso, nga usbon ang sistema sa TUPAD aron mas paspas ug mas epektibo nga mahatagan og emergency employment ang mga driver.
Samtang, si DSWD Assistant Secretary Irene Dumlao miingon nga usa ka special payout ang ipahigayon sa sunod semana alang sa mga drayber sa pampublikong transportasyon nga wala makadawat sa P5,000 nga ayuda gikan sa gobyerno.
Target usab sa DSWD nga makakuha og payout alang sa liboan ka mga miyembro sa mga drayber sa tricycle ug jeepney, transport network vehicle service (TNVS), ug mga nagsakay sa motorsiklo.
Basi sa datos, kapin 396,000 ka mga drayber sa pampublikong transportasyon sa Metro Manila ang gilauman nga makabenepisyo sa fuel subsidy karong buwan sa Abril.
Ug ang hiniusang aksyon sa DOLE ug DSWD giisip nga importante aron mapadayon ang panginabuhian sa sektor sa transportasyon.
Gitambagan usab ang mga benepisyaryo nga maghulat sa opisyal nga pahibalo bahin sa iskedyul sa pag-apod-apod sa ayuda.
