CEBU – Naghimo og mga rekomendasyon ang Department of Public Works and Highways sa Central Visayas (DPWH-7), uban sa koordinasyon sa City of Talisay Traffic Operations and Development Authority (CT-TODA), alang sa mas luwas nga dalan gikan sa Barangay Camp 4 hangtod sa Barangay Manipis sa Talisay Dakbayan.
Kini ang gibutyag ni Jonathan Tumulak, hepe sa CT-TODA, nga ang mga hingtungdan nga ahensya naningkamot nga mahuman ug mangita og pundo alang sa pagpatuman sa maong mga rekomendasyon sa labing daling panahon.
Lakip sa maong mga rekomendasyon mao ang pagbutang og warning ug safety signs ug pagbutang og dugang konkretong mga babag daplin sa dalan sa Cebu-Toledo Wharf aron malikayan ang disgrasya.
Kini nga pamahayag ni Tumulak nunot sa ilang pag-inspeksyon sa karsada uban ni Engineer Jun de la Cruz sa DPWH-7 niadtong Lunes, Septiyembre 12, gihimo ang inspeksyon human nahulog ang usa ka SUV sa bung-aw sa Barangay Camp 4 niadtong Septiyembre 11 nga nahimong rason nga nasamdam ang drayber.
