Mipasidaan sa publiko ang Department of Public Works and Highways – Central Visayas (DPWH-7) sa mga modus sa pagpanglimbog gamit ang pangalan sa bag-ong pangu sa buhatan.
Kini ang gisapublikar sa ahensya pinaagi sa public advisory post niini niadtong Enero 26 nga ilang nasuta nga ang pangalan ni OIC Director Simon Arias kay gigamit sa malimbogong pagpang-solicit, mga transaksyon nga may kalabutan sa mga proyekto, ug ubang business dealings nga may koneksyon sa buhatan.
Giklaro niini nga atol sa paghulip ni Arias kang kanhi Regional Director Danilo Villa, kinsa usa sa mga natumbok ni Public Works Secretary Vince Dizon sa iyang lavish lifestyle isip kawani sa gobyerno, kay wala kini siyay kalabutan sa maong mga alegasyon.
Gidugang niini nga wala magtugot si Arias sa mikinsang indibidwal, grupo, o intermediary sa pagpang-solicit, pakignegosasyon, o pakig-transasct gamit iyang pangalan ug pwesto sa DPWH-7.
Asoy pa nga tanang programa ug proyekto sa DPWH kay giimplementar sa striktong sukaranan nga nagsubay sa mga lagda sa balaod ug regulasyon.
