TALISAY CITY-Nadat-ugan sa refrigerated van ang usa ka motorsiklo kagabii, sa Cebu South Coastal Road, Barangay Dumlog, duol sa 6th Street Carmen Village, dakbayan sa Talisay.
Matod sa City of Talisay Traffic Operations and Development Authority (CTTODA), ang drayber sa van nawad-an og kontrol sa sakyanan human nga nga nitunob sa brake samtang naglatas sa dangog nga dalan.
Ang van nalimbuwad ug nitugpa sa usa ka drayber sa motorsiklo kinsang gidali pagdala sa Cebu South Medical Center sa mga emergency personnel.
Giila ang biktima sa mga kabanay niini nga si Isagani Alvarado, 33-anyos, lumulupyo sa Aloguinsan samtang, ang drayber sa van mao si Weng Lee, taga Lilo-an nga anaa na sa kustodiya sa kapulisan.
Sa pakighinabi sa Bombo Radyo Cebu ngadto kang Joy Tumulak, CTTODA, nga nakalitan ang maong drayber sa van sa dihang kalit nga ni-overtake ang motorsiklo hinungdan nga nag-ikis-ikis ang dagan sa sakyanan ug nabanggaan kini sa maong van.
