Padayon ang pag-apo-apud sa Department of Social Works and Development- Central Visayas, sa emergency cash transfer alang sa mga naapektohan nakalabayng katalagman.
Kini ang gibutyag ni DSWD-7 Regional Director Shalaine S. Malie Lucero, nga nagpadayon pa gihapon ang ilang gipahigayong emergency cash transfer alang sa mga nabiktima sa Bagyong Tino, diin 103,036 ka mga pamilya ang nakadawat na.
Matud ni Lucero, nga nanghinaot ang buhatan nga ma kompleto ang pag-apod-apud sa mga hinabang karong semanahona, alang sa una hangtod na sa ika-upat nga hugna sa hinabang alang usab sa mga nabiktima sa linog.
Dugang usab niini nga hinaot madawat na nila ang budget nga mokabat sa 300 Million nga gikan sa kaulohan, aron makompleto na ang pagpanghatag sa mga nabiktima sa linog.
Makadawat ang mga apektado tag 10,125 alang sa mga Totally Damaged ug laing 5, 250 alang sa mga Partially Damaged.
Sigon usab ni Lucero, nga magpahibalo ra ang buhatan kung ugaling aduna nay laing hugna sa pay-out, alang sa mga kadtong wala pa makadawat sa hinabang, gumikan kay ang budget sa buhatan nakadepende sa availability sa Quick Response Fund sa National Government.
Gihimug-atan usab niini nga ang mga Local Government Units kinahanglang nakaandam sa ilang QRF kung magpahigayon og preemptive evacuation ug dili kinahanglang mag-apod-apod ug hinabang kong stable ra ang sitwasyon.
