Gihimakak ni Department of Social Welfare and Development (DSWD) Secretary Rex Gatchalian ang akusasyon ni Bise Presidente Sara Duterte sa paggamit sa 2 ka mga programa sa ahensiya alang sa pagpamalit og boto.
Matod sa kalihim, nagpadayon ang pagproseso sa mga aplikasyon ug pag-apod-apod sa mga hinabang pinaagi sa Assistance to Individual in Crisis Situation (AICS) ug Ayuda sa Kapos Ang Kita Program (AKAP) alang sa mga kwalipikadong benepisyaryo sa nasangpit nga mga programa.
Subling gipasabot sa opisyal nga ang tanang field offices sa DSWD sa tibuok Pilipinas nanghatag og tabang sa mga tawo nga nanginahanglan, walk-in man o gi-refer sa mga opisyal sa lokal nga kagamhanan.
Mihimo sa pamahayag ang kadagkoan sa DSWD human si VP Sara miingon sa virtual press briefing nga ang pagpamalit og boto diin gitago kuno sa ngalan sa mga hinabang sama sa AICS, AKAP ug Tulong Panghanapbuhay sa Ating isadvantaged/Displaced Workers (TUPAD) sa Department of Labor and Employment (DOLE).
