Gipaambit sa Department of Social Welfare and Development nga nagpadayon sa pagpalambo sa kaayohan sa mga kabus nga pamilya ning 2024 pinaagi sa social protection ug ‘human capital development programs’ niini.
Matud ni Assistant Secretary Irene Dumlao nga pinaagi sa probisyon sa mga interbensyon nga nakasentro sa human capital development, ang social protection programs sa DSWD kay nakapauswag sa ekonomikanhon ug sosyal nga kahimtang sa mga kabus nga pamilyang Pilipino ug sa ilang mga komunidad karong tuiga.
Natukod niadtong 2008 ug opisyal nga na-institutionalize niadtong 2019 pinaagi sa Republic Act No. 11310, ang Pantawid Pamilyang Pilipino Program (4Ps) nagpadayon sa pagpamuhunan sa panglawas ug edukasyon sa mga kabus ug huyang nga mga panimalay aron maputol ang intergenerational cycle sa kakabos sa nasud.
Mihatag usab og suporta si Dumlao sa livelihood program ngadto sa 67,307 ka mga panimalay pinaagi sa nagkalain-laing modalidad sa Sustainable Livelihood Program (SLP) sa hapit na matapos ang tuig.
Samtang sa SLP usa ka capacity-building program nga naghatag og access sa mga oportunidad nga makadugang sa produktibidad sa livelihood assets sa mga kabus, huyang, ug marginalized nga mga komunidad, nga nagtabang kanila sa pagpalambo sa ilang socio-economic nga kaayohan.
Laing ‘human capital development program’ sa DSWD mao ang Kapit Bisig Laban sa Kahirapan-Comprehensive and Integrated Delivery of Social Services (KALAHI-CIDSS), ingon man ang KALAHI-CIDSS naggamit sa community-driven development strategy nga nagtugot sa mga komunidad nga makaangkon og kontrol sa mga desisyon ug kahinguhaan.
Pinaagi sa programa, ang mga miyembro sa komunidad aktibong moapil sa pag-ila ug pag-una sa mga kabalaka sa ilang komunidad ug tugotan sila sa pagdesinyo, pagpatuman, ug pagdumala sa mga solusyon sa ilang prayoridad nga mga problema.
