Gipalapdan sa Department of Social Welfare and Development (DSWD) ang sakup sa ilang family food pack distribution operations isip tubag sa panginahanglan sa mga pamilya nga grabeng naapektuhan sa sunodsunod nga mga bagyo nga bag-o lang niigo sa nasud.
Kini nga lakang nagtumong sa pagsiguro nga ang gikinahanglan nga tabang makaabot sa matag pamilya nga apektado sa kalamidad.
Sa pinakaulahing datos nga gipagawas sa DSWD, niabot na sa 249,477 ka family food packs (FFPs) ang naapod-apod sa mga pamilyang direktang naapektuhan sa mga bagyo.
Kapin sa 64,000 ka food packs ang na-apod-apod ug na-deliver sa Bicol region, usa sa mga rehiyon nga grabeng naapektuhan sa mga bagyo.
Samtang, kapin sa 30,000 na usab ang nakaabot sa Cagayan Valley ug Western Visayas, mga lugar nga nag-atubang usab og grabeng kalisdanan tungod sa pag-uwan ug pagbaha.
Ang ahensya nagpadayon usab sa pagpuno sa mga bodega niini aron masiguro ang igong suplay sa mga pakete sa pagkaon.
Sa susamang higayon, gipun-an usab ang mga trak aron paghatod og hinabang sa mga apektadong lokal nga kagamhanan.
Sa kinatibuk-an, ang DSWD nakahatag ug kapin sa ₱176 milyones nga kantidad sa humanitarian aid sa mga rehiyon nga apektado sa kaylap nga pag-ulan ug pagbaha.
Nagpadayon usab ang departamento nga nagtutok sa kaayohan sa gibanabanang 32,000 ka pamilya nga nagpabilin pa sa nagkadaiyang evacuation centers.
